الأحد 22 رمضان 1440 الموافق 26 مايو 2019
الرئيسية » ثقافة و فن » بيت الشعر » سامح المصري | يكتب : قلبي غاوي يقول بحبك

سامح المصري | يكتب : قلبي غاوي يقول بحبك

سامح المصري

ياللي صابرة ع البلاوي

قلبي غاوي يقول بحبك

اسمحيلي لما اشوفك

ابني أحلامي ف كفوفك

تبقى صورتي في عيونك

اعشقك لحظة كسوفك

صدقيى أنا قلبي حبك

وشتريتك عشت فيكي

لو تبيعي ألف مرة

برضه هفضل مشتريكي

عارفة ليه ؟

لما بتغيبي في عيوني

بحس أن أنتي وحشاني

يا مالكة مهجتي وبالي

بقالي كتير على حالي

وقلبي ابن الحلال عاشقك

يا ساكنة القلب بالماضي

كتابي سبته في إديكي

فقررتي تفارقيني

لما حراسك خانوكي

نهبوا فيكي وكفروني

بس برده هقول بحبك

يالي عمري ما كنت خوفك

فضفضي وملي في قلبي

مش هسيبك وقت ضعفك

أنتي رب الكون حباكي

زاي مريم اصطفاكي

اوعي يوم تصدقيهم

أن ابنك يوم يخونك

اني اتسبب في دمعك

دمعة تنزل من جفونك

أنتي عارفة من البداية

كنتي ليا وكنت ليكي

كنت دم بيجري فيكي

ياللي حبك جوه دمي

من زمان من صغر سني

شلت همك ويا همي

أنتي لأجل الحظ أمي

مستحيل تبقى أنتي خوفي

مستحيل يرهبني منك

مستحيل يبعدني عنك

أي كاره أو أناني

عارفة ليه ؟

عشان خطرك

هكون في الحرب درع وسف

لكن خايف

أتوه بين الصحيح والزيف

وأنا في الأصل مش سياف

أنا شاعر

ببيع الكلمة للحلوين

وبزرع ورد في البساتين

بعيش من أجل أيامي

بعيش يمكن ..

أشوف حلمي بيتحقق ويرسم كل وجداني

فأرجوكي بلاش تكوني م التانيين

ياللي ساكنة جوه قلبي

ياللي واصفك في ملامحي

ياللي اسمك جمب اسمي

ياللي صابرة ع البلاوي

صدقيني هقولها تاني

قلبي غاوي يقول بحبك