الاثنين 23 رمضان 1440 الموافق 27 مايو 2019
الرئيسية » أخبار عامة » كامل الوزير يغضب من دورات مياه محطة الجيزة .. وينبه: «الشركة تمشي فورًا»

كامل الوزير يغضب من دورات مياه محطة الجيزة .. وينبه: «الشركة تمشي فورًا»

 

كتب | أحمد الدويري

تفقد المهندس «كامل الوزير» وزير النقل والمواصلات، ظهر الاثنين، محطة سكك حديد الجيزة؛ للاطمئنان على سير العمل بها، ومتابعة انتظام حركة القطارات.

ولاحظ كامل الوزير، انبعاث روائح كريهة من دورات المياه الخاصة بالمحطة، وقال للمسؤولين عنها:« إنتوا كلكوا بتعملوا إيه؟ المفروض كلكوا تاخدوا جزا دلوقتي».

وتابع وزير النقل: إيه ذنب الناس تشم الريحة دي، هي دورات المياه اتعملت علشان نريحهم، ولا علشان نقرفهم؟ ووجه بغلقها، لإعادة تأهيلها مرة أخرى.

وأصدر كامل الوزير تعليماته بإنهاء عمل الشركة المسؤولة عن صيانة دورات المياه نهائيا، قائلاً: «أنا أمرت بفتح دورة مياه بمحطة الجيزة وتنظيفها، ودلوقتي ريحة المحطة زي الزفت، ووجه الوزير بإنهاء التعاقد مع الشركة»، قائلًا: الشركة دي تمشي فورا.

وطالب الوزير، اللواء رفعت حتاتة، بسرعة تنظيف دورات المياه بالمحطة: عاوز أشوفها بتشف وترف بعد ساعة.