• top-banner-1
  • top-banner-1
  • top-banner-1
الخميس 04 شوال 1438 الموافق 29 يونيو 2017
الرئيسية » مقالات » أعمدة » محمد الشافعي | يكتب: مراحل مهمة للوقاية من الاكتئاب

محمد الشافعي | يكتب: مراحل مهمة للوقاية من الاكتئاب

Advertisement

 

مراحل مهمة للوقاية من الاكتئاب 1 – اخرج من الأوضة و متقعدش كتير في مكان مقفول و لو هتقعد حاول يبقي حد معاك
٢- جرب تعمل الحاجات اللي بتحبها سواء موهبة عندك او مهارة بتحب تعملها ( رسم – قراءة – كتابة – هاند ميد.. و ةي حاجة تانية
٣- قلل من الشكوي .. قلل من الشكوي
٤٤- اللي يفهم كلامك غلط و يفسره علي مزاجه فكك منه .. مثال ؛ انت بتقول لصحابك زهقان و مضايق و مش طايق نفسي و مش عارف أعمل إيه ،، متستغربش لما حد منهم يرد عليك و يقولك روح صلي و اقرأ قرآن و كأنك كفرت و بيقولك اسلم ،. الاكتئاب بنسبة كبيرة مش سبب بعد عن ربنا علشان تكون دي أول نصيحة تنصح بيها شخص مضايق لأنه ممكن يكون قبل ما يسألك يكون فعلا عمل اللي بتقوله عليه ، في الوقت ده هو محتاج منك حاجتين
١- انك تحس بيه و بالوجع اللي بيحاول يوصله ليك
٢- افهم كلامه و مش شرط تقوله حل لأنك في الغالب غير متخصص في مساعدة حالات زي كده ف اكتفي إنك تسمعه بجد و تكون متصت لكل كلامه ( صمتك وقت ما يتكلم هيريحه ) بس إوعي لما يخلص كلامه تنقده مهما كان الكلام سلبي

٥- الاكتئاب درجات ف خلي بالك من كلامك مع صحابك اللي بيشتكوي من حاجات مضايقهم بلاش تقولهم انتوا اوفر انتوا حساسين اوي ، من الاخر متخلهمش يندموا انهم اتكلموا معاك
٦- لو في حد من صحابك أو أخواتك لاحظت عليه انه بيكدب كتير حاول متعملش فيها جامد و تفهمه انك فاهم كل حاجة و انه ميقدرش يضحك عليك بكذبه ( اوقات كتير ناس بتكذب لانها محتاجة اللي يهتم بيها ) ف بدل ما تشغل نفسك و تزعل منه او منها انها بتكذب افهم ليه بيعمل كده يمكن يكون بيحاول يوصلك انه محتاجكك
٧٧- لو انت الشخص اللي بينطبق عليك الكلام اللي فوق ده جرب تطلب مساعدة متخصص و ساعد نفسك و بلاش تعوض المساعدة دي بحاجات تانية هتتعبك اكتر
٨٨- الكلام ده لما تأخذ بالك منه و تطبقه هتحافظ علي نفسك من صدمات كتير هتكون معرض لها و انت في حالتك النفسية الغير مستقره
٩- طمن اللي حواليك لانهم بيكونوا قلقانين عليك
١٠- ابدأ في التنفيذ و انقذ نفسك و غيرك و شير الكلام ده عندك متوقفوش ، لانك متعرفش حياة مين ممكن تتغير بسببك

Advertisement