بداية اعزاء القراء لا أخفي عليكم سرا اننا في مأزق شديد الخطورة علي مصر و علينا جميعا . كلنا خوف و قلق و يكاد يصل الي مرحلة الرعب من القادم علينا و كلنا يتسأل ماذا بعد ؟ الكل يعلم اننا في مأزق اقتصادي و ازمة اقتصادية طاحنة فالدين العام في مصر بلغ ارقام فلكية تريليون و 45 مليار جنية مصري و هذا يعادل نحو 90% من الناتج المحلي المصري و بالتالي فان مصر دخلت مرحلة الخطر لاننا لايجب ان نتجاوز نسبة ال 60% من اجمالي الناتج المحلي .طبعا ارقام و احصائيات و رغي محدش فينا عارفه او بيفهم فية بس نعمل اية ما باليد حيلة لازم نجيب الارقام دي عشان نشوف و نعرف حالتنا بقت عالمة ازاي و انا هفسرلكوا من الاول الارقام دي عشان تفهم كلنا اية دة نفترض ان اجمالي ديون مصر 90جنية و و احنا بننتج 100 يبقي الديون يعني احنا بنستفاد من ال 10 جنية دي فقط لا غير لو حسبنا الفرق هيطلع ان الديون اللي غارقنين فيها بتاكل 90% من الناتج المحلي المصري . و للاسف الديون الداخلية بقت اكبر من الديون الخارجية 7 مرات و دة بسبب الانفاق علي وزارات و مرتبات و دعم لكل حاجة في البلد العيش و البنزين و السولار و غيرة . و للاسف فقط تخطي الدين المصري كل حدود الامان ووصل ل 90% من الناتج المحلي المصري لدرجة ان خبراء الاقتصاد قسموا ديون مصر علي المواطنين بقي كل مواطن مديون ب 15 ألف جنية للبلد عشان تسدد ديونها . لا و الادهي و الامر ان الشعب المصري يفضل 11 شهر بدون انفاق لتسديد الديون اللي غارقنين فيها .
شوفتوا قد اية البلد في مرحلة خطيرة جدا محدش حاسس بيها . هي البلد ناقصة مظاهرات و اضرابات عشان المرتبات اللي هي اصلا ديون علي البلد . لية بندعي الشرف لرفض قرض البنك الدولي و احنا كلنا ماسكين في رقبة الحكومة و عايزين نزود المرتبات . لييييييييييييييية حضرتك تحلل مرتبك اللي خدته لنفسك و انت عامل اضراب بدون عامل . لية اللي بيضرب عن العمل يقول اليوم دة مش اشتغلتة مش هاخد علية فلوس و اخصموة عشان و عشان محدش يقولي انت من كوكب أخر انا مدرس بعقد 110 جنية شهريا و رفضت الاضراب لاني مش هحرم الطالب اللي جالي عشان اشرحلة زنبة اية يتأخر في المنهج و في نفس الوقت بدي الدولة الفرصة انها تظبط امورها و مستني التعيين و نفسي مرتبي يزيد بس هل مرتبي يزيد بأذن صرف يخلي ديون البلد اكبر و اكبر و القرض اللي بنرفضة يبقي اكتر و اكتر ؟ بجد دماغي وجعتني و نفسي في حل ؟ بس يا تري اية هو ؟
المصدر | الشرقية توداي
تابع الشرقية توداي على جوجل نيوز 
