لم يكن يتوقع اي حالم او قارئ للكف او الفنجان او حتي اللي مخاوي الجن ان هذا التغيير سوف يحدث مصر .سيبك من كله ده يا حج محدش كان متوقع من شباب الفيسبوك انه يعمل هذا الحراك السياسي الضخم .كل الناس كانت بتقول ان شباب الفيس عيال تافهه و همها انها تعلق بنات من الفيس و تسقط البنطلون و هي قاعدة ع الفيس . و لكن عاملوها الوحوش عملوها الابطال اللي بتسقط البنطلون و عملوا ثورة شعبية زي الفل . بس المعارضة الفكسانة حولت تركب علي انجازاتهم . بس علي مين يعم الحج دي شباب واعية قالت لا برادعي و لا معارضة و لا اخوان الشباب هو الكسبان .الشباب ده حقق كل مكاسبة مع تنازلات السيد الرئيس علي الرغم من انها لم تحقق 100% من مطالبها و لكنها حققت حاجات كتير. لان محدش كان متوقع ان الشباب ممكن يعمل ده . لكن لم جاتلي الدعوات من الفيس كنت مبسووووووووووط جدا لان الشباب حرك الحجر. حرك قوي المعارضة الفكسانة جدا قوي خالص . و الشباب الواعي المحترم روح خلاص بعد الاستجابة لمطالبه . و رسالتي لشباب التحرير الان اتركوا الساحة الان لنكتشف من هم العملاء و كذلك الميدان موجود تعالي اتظاهر يا حجيجة في اي وقت تاني و الشباب دايس معاكم برضوا بعد عودة الفيس بوك . رسالتي للشباب الواعي ان الاوان بعمل حزب للشباب الواعي لتكون حركة الشباب مثمرة و تكون حركة شباب 25 يناير هي اقوي حزب معارض في تاريخ مصر السياسي .
بقلم أحمد قورة
تابع الشرقية توداي على جوجل نيوز 
