أمير مرتضى منصور يوجه رسالة هامة للاعبي الأهلي قبل مباراة الترجي

وقال أمير مرتضى، عبر صفحته على فيس بوك: أي بلد في الدنيا فيها الكويس و الوحش و التافه و الحرامي المواصفات دي مش مواصفات بلاد دي مواصفات بني ادمين و من الصعب أن نحكم على بلد محترمة زي تونس علشان واحد تافه دمه تقيل.. لينا صحاب توانسة جدعان و محترمين عايشين في مصر كأنهم في بلدهم فا ياريت منغلطش في شعب كامل علشان واحد تافه مش بيمثلهم… بالنسبة للمباراة اكيد نفسي اشوف الزمالك هو اللي بيشيل الكأس واكيد مش عايز المنافس التقليدي للنادي اللي بشجعه بيكسب البطولة لكن الاكيد برضه عمري ما هتمنى الاذى لجمهوره او لاعيبه أو لأي بني ادم مهما كانت جنسيته.. في الاخر الـ ٧٤ و ٢٠ اتوجعنا عليهم و بندعيلهم و مش بنقول ده أهلى و ده زمالك بتمنى السلامة للفريقين و جمهورهم في الاخر دي مباراة كرة الأحسن يكسب بروح رياضية و بشرف.. مع اني زملكاوي متعصب وعمري ما هشجع الاهلي لكن لما بفتكر أن مصر محتكرة البطولات الإفريقية على مستوى المنتخبات و الأندية بحس بفخر.. الزمالك عنده ٥ نجوم / الاسماعيلي نجمة / الاهلي ٨ نجوم = ١٤ نجمة.