سياسة

الرئيس السيسي يطمئن المصريين: لا تقلقوا من أي تهديد خارجي

السيسي

 

طمأن الرئيس عبدالفتاح السيسي اليوم السبت الشعب المصري بألا يقلقوا من أي تهديد خارجي، قائلا: «نحن نسير بخطى جيدة جدا بفضل الله ولن نبيع الوهم وسنكون مخلصين وصادقين معكم».

وقال السيسي ـ في مداخلة له خلال افتتاحه عددا من المشروعات القومية العملاقة في محافظة الإسماعيلية: «إن القوات المسلحة ستتعامل بمنتهى العنف لوضع حد للإرهاب».​

فيما وجه الرئيس عبدالفتاح السيسي الشكر إلى هيئة قناة السويس على «الجهد الكبير المبذول والذي يبذل خلال الفترة المقبلة».

وجاءت كلمات السيسي خلال افتتاحه مشروعات قومية في محافظة الإسماعيلية، السبت، قائلًا: «خلال الأيام والأسابيع الماضية حدثت تطورات كتير، حسيت إني كل الكلام اللي بقوله إحنا مشينا بخطى جيدة جدا، ومش هنبيع خالص اللي نقدر نعمله بفضل الله نعمله، واللي منقدرش هنقول منقدرش، وإحنا ماشين كويس فعلا».

وأضاف السيسي: «اللي تم تنفيذه خلال الفترة الماضية، واللي حجم العمل اللي أنتم عملتوه يا شعب مصر حاجة عظيمة وحاجة تشرف».

وتابع: «النهاردة انتهاء حفر 4 أنفاق كانوا ممكن التخطيط اللي معملموش كان هيتعمل في 12 سنة، إحنا بنتكلم بدأنا نتعاقد على المكن نوفمبر 2015 بدأنا الشغبل منتصف 2016، والنهاردة بنتكلم، وأنا عارف إن ده عبئ على الشركة والهيئة الهندسية».

وقال السيسي: «النهاردة بنقول الكلام بعد ما تم إنجاز العمل اللي في الأنفاق، والنهارده عاملين دا 4 شركات مصرية والشغل 100% بخبراء ومهندسين وعمال مصريين، اشترينا المعدات من الخارج، والموضوع دا بسيط نعمل 4 أنفاق عاملنا نفق الشهيد أحمد حمدي كام سنة».

وتطرق السيسي للحديث عن سيناء، قائلًا: «سيناء أرضنا، والقوات المسلحة ستقوم بكل العنف، بكل العنف، بكل العنف، ولازم بفضل الله نضع حد للإرهاب الموجود فيها، وإحنا نموت كلنا ولا حد يقرب من أرضنا»

وتابع: «الموضوع مش بالكلام، مفيش أي تهديد خارجي تخافوا منه، كلامي قليل، مفيش تهديد خارجي، مبخافش إلا منكم أنتم يا مصريين، نتحدى الدنيا كلها إحنا مش أشرار مش متأمرين احنا مش طمعانين لا في خير حد ولا أموال حد ولا أرض حد، طمعانين في كرم ربنا هنفضل بنبني ونعمر».

وأضاف: «فيه تكليف من وزارة الإسكات الهيئة الهندسية لمشروع قومي تخطيط عمراني متكامل هيتم تنفيذه من 2 إلى 3 سنوات سواء إحنا موجودين أو لا، الشغل مبيقفش على حد الشغل يقف على شعب مصر».

وشدد على أن «الدفاع عن البلاد ليس بالكلام، لكن بالعرق والجهد والتضحية والدم، إحنا كمصريين اطمنوا ربنا بيساعد الصالحين اللي بيبنوا يعمروا ما بيضيعوش، إحنا لا نخرب ولا ندمر، ولا يتبقى إلا أنتم يا مصريين يبقى عندكم ثقة في أنفسكم».

المصدر

للمزيد:

السيسي يصطحب ابن الشهيد أحمد منسي في افتتاح كوبري باسم والده

بث مباشر.. الرئيس السيسي يشهد حفل الانتهاء من أعمال حفر وتبطين أنفاق قناة السويس

قراران جمهوريان من الرئيس السيسي

أول تعليق من الرئيس السيسي بشأن الهجوم على مطار العريش

الرئيس السيسي يصدق على تعديل قانوني أكاديمية الشرطة والمنظمات النقابية العمالية

أحمد الدويري

كاتب صحفي منذ عام 2011 ، أكتب جميع أنواع قوالب الصحافة، تعلمت الكتابة بشكل جيد جدًا من خلال موقع الشرقية توداي الذي انضممت له منذ عام 2012 وحتى الآن
زر الذهاب إلى الأعلى