أكد الرئيس عبد الفتاح السيسى، أن تصحيح الخطاب الدينى، أحد أهم المطالب التى تحتاجها مصر والمنطقة، والعالم الإسلامى.
وأضاف: «مش ممكن يكون مفردات وآليات وأفكار يتم التعامل بها منذ ألف عام وكانت صالحة فى عصرها ونقول تبقى صالحة فى عصرنا لا يمكن تكون صالحة».
وقال الرئيس السيسى: «لابد من إيجاد آلية جديدة، احنا مبنتكلمش فى تغيير دين ولكن إزاى تقنع أصحاب العقول والرأى والمعنيين بهذا الأمر إن فيه عنده مشكلة حقيقة فى خطابه وفهمه للدين اللى بيتعامل بيه فى هذا العصر، احنا بنتكلم فى إيجاد مفردات لخطاب دينى تتناسب مع عصرنا، وبعد 50 سنة هانبقى محتاجين كمان احنا نطورها مع تطور المجتمع».
وتابع الرئيس فى كلمته:«الصراعات تتمركز فى المنطقة، بغض النظر عن فكرة المؤامرة اشمعنا المنطقة دى اللى فيه حجم ضخم من الصراعات وأكبر نسبة من الضحايا واللاجئين، القدرة على أن ترى الواقع بشكل متجرد بدون اى غرض وتستطيع ان تتحمل تبعات ما تتحدث عنه».
تابع الشرقية توداي على جوجل نيوز 
