كتبت | ثريا غنيم
وعد الرئيس عبد الفتاح السيسي بضرورة القضاء على الأرهاب والتصدي لها بكل أشكال الأرهاب قائلا : «عيب علينا لو مخلينهاش قدام، بالجد والإخلاص والشرف».
وأضاف خلال الندوة رقم 25 للقوات المسلحة : «بقول لكل المصريين وأهالي الشهداء والموجودين في بيوتهم وكل المصريين اللي بيسمعوا الكلمة دي، شوفوا حجم الإساءة التي تتم باسم الدين في العالم كله وأنتوا تعرفوا أن ولادكم أشرف ولاد، وأنهم مش بيدافعوا عن مصر بس، هما بيقفوا وبيتقدموا وسقطوا أولا عشان يحافظوا عن الـ 90 مليون اللي لو راحوا هيروح معاهم حتى الدين، لما يبقى الواحد مشرد ومرمي في معسكر هيفكر في الدين بقى!».
وقال خلال كلمته : «بقول للناس كل الناس اللي بتشوفوه واللي بنتصدى له في مصر بوجه واحد من فضلكم توقفوا أمامها يا مصريين، إحنا في مصر بنتصدي للإرهاب بوجه حقيقي واحد مش بوجهين، أبناء مصر اللي بيسقطوا بيسقطوا عشان راية الحق، النهاردة كتير من الناس محتارة بتقول ياترى مين على حق دول بيقولوا عشان نرفع راية الإسلام والدين وبيخربوا ويدمروا، ودول بيتصدوا ليهم».
وفي النهاية أدان السيسي العمليات الإرهابية التي شهدتها بريطانيا أمس وقال: «نحن كحماة الحق الحقيقيين ندين كل عمل إرهابي خسيس وجبان ضد بريطانيا وأي حد على وجه الأرض».
تابع الشرقية توداي على جوجل نيوز 
