بيت الشعر

الشاعر أحمد عادل | يكتب : سلميلي

الشاعر أحمد عادل

سلميلى ع اللى غايب
والحبايب والقرايب
واللى سايب روحه شاردة
كيف “أليس” فـ بلاد عجايب
سلميلى ع الخلايق
اللى تايه واللى فايق
واللى دايب مـ الموده
يبقى عاصى ولا تايب
تعرفى ..
قلبى ليكى كان وفى
حوّا جت من ضلع آدم
ويسألونى عن أصولى
عن أبويا وعن جذورى
كنت أردْ وأقول طبيعى
أتخلق من ضلعها !
مش عجيب الأمر خالص
والطبيعى أبقى ناقص
أصلها …
تكمله لكل المعانى اللى فيا
قلبى أصبح بعدها
الفريسه والضحيه
سلبينى إرادتى عادى
هبقى طيب راضى هادى
وأحكى تجرُبتى لولادى
وقلبى ينطق اسمها
تعرفى …

أحمد الدويري

كاتب صحفي منذ عام 2011 ، أكتب جميع أنواع قوالب الصحافة، تعلمت الكتابة بشكل جيد جدًا من خلال موقع الشرقية توداي الذي انضممت له منذ عام 2012 وحتى الآن
زر الذهاب إلى الأعلى