أخبار الشرقيةسلايد
المستشار حسن النجار محافظ الشرقية يجيب عن أسئلة قراء “الشرقية توداي” في حوار خاص مع الإعلامية ايمان سالم الخميس القادم
يجيب المستشار حسن النجار ، محافظ الشرقية، عن أسئلة قراء “الشرقية توداي” الخميس القادم 18 اكتوبر مع الاعلامية ايمان سالم في حوار تلفزيوني على قناة الشرقية توداي على اليوتيوب .
شارك في الاسئلة التي سنوجهها للسيد المحافظ من خلال التعليقات في الأسفل
تابع الشرقية توداي على جوجل نيوز
1- سيادة المستشار منذ عام ونصف وانا الهث على مكتب المحافظ الذى كان قبلكم بأن يغير اسم معهد دينى بقريتنا بإسم (الشهيد عبدالكريم احمد رجب) أخى الذى استشهد بموقعة الجمل فى الثورة المباركة ولا مجيب …والموظفين فى المحافظة يقولون تم اعتماد الطلب ولم ارى شيئا حتى الان …..هل هذا يليق بشهداء الثورة ؟
2-لماذا لا نراك فى جولات ميدانية فى قرى ومدن المحافظة.؟
3- الجميع يعلم ان احد اسباب فشل الرئيس -لاقدر الله- هو عدم تفاعل اعضاء المجالس المحلية فلماذا لا تسارع فى تغيير القيادات بمجالس المدن خاصة فى ظل تقاعسها عن آداء عملها ……..نريد للموظفين ان يعملوا ياسيادة المستشار
استاذي الكريم/ عبد المعطي رحم الله اخيك وجعله من الشهداء ولكن سؤال لحضرتك ماذا يفيدك تغيير اسم المعهد هل يخدم بلدكم او المحافظة او الوطن عموما بشيء لو تغير اسم المعهد ارحمونا بقي ياعالم هي دي المشكلة الى مضايقة حضرتك والى عاملة مشاكل في مصر تغيير اسم المعهد بجد سؤال مستفز وطلب اكثر استفزاز في ظل وجود اولويات كتييييييييييييير البلد محتجاها
انا نفسي الزقازيق
تبقي بلد جميله زي اسكندريه.
ميكنش فيها زحمه نمشي في البلد كده نلاقيها مفيهاش غبار ولا اتربه.
نلاقي اشجار خضرة وجميله ونتنفس كده هواء نقي.
نفسي اليوم ده يجي يا سياده المحافظ.
وربنا معاك في كل اللي بتعمله ويقدرك علي فعل الخير دايما لاهل الشرقيه كلها.
هي مهم صعبه عليك اوووي.
بس حضرتك قدها ان شاء الله.
ايه خطة حضرتك في المواضيع اللي شاغلة الناس كلها و اكيد حضرتك عارف تلال القمامة اللي كل الزقازيق عايمه فيها و بالاخص شارع طلبة عويضة و شارع غشام ده غير هيستريا البناء اللي ملهاش اي معايير ياريت لو وقت حضرتك يسمح تنزل و تشوف بعينك يمكن الوضع يكون مختلف عن التقارير الخيالية اللي بتوصل لحضرتك و طبعا المرور و طبعا رداءة الطرق ….و شكرا علي وقت حضرتك..
محمود ضيائي (أخصائي جراحة المسالك البولية)
محتاجين رصف الطرق لانها كلها مكسرة من دخول العاز الطبيعى وبتتسبب فى ضرركبير للسيارات
توسيع الطرق وتحسين اتجاهاتها وايجاد حلول للتخلص من الزحام وخصوصا منطقة القومية والشوارع المحيطة
انارة الشوارع المظلمة لانتشار الجرائم بها
تخصيص طرق للميكروباسات لما تسببه من ازمات وحوادث مرورية
حملة لتنظيف الشوارع
سؤالي بأختصار طريق طحا المرج ديرب نجم الي متي هذه المهذله ؟ ومتي يتم اصلاحه و ان لم تكن مسؤولية المحافظه فهي مسؤولية من؟
و سؤال تاني الاجره من المسؤول عن تطبيقها وتحديدها؟
عايزين نشوف تغيير فى المحافظه وخصوصا ابوكبير لانها بلدك
لماذا لايوجد اهتمام بمراكز المحافظة ؟ من نظافة وامن والخدمات الاخرى.
احب اقوله ان وعود مرسى بالنسبه لل100 يوم اتحققت بنسبه 80 فى ميه فى المحافظه ديه من ضمن تصريحاته
بجد عندما تعجز (كلمة مخالفة) عن التعبير ياتى (كلمة مخالفة) فى طوابير
ياريت يا ادمن ,, تقلو ينضف البلد , ينضف البلد مش الزقازيق بس , بس الزقازيق اولا وكمان يحاول يحل بحلول جزريه مش حلول مؤقته وكمان ازمه البنزين يحاول هوا يعمل رقابه على وصول ا لبنزين للمحطات وكمان ازمة الخبز ياريت يتابعها , انا حاسس انه بيتفرج , وينزل كل البلاد زيارات مفاجئه , للمستشفيات , للمخابز , للاقسام , للمجلس المحليه ,, ياريت تقلو ,, زيارات مفاجئه ,, وشكرا
ممكن أعرف انتو ليه صابرين على نظافه ميدان الكوبرى الجديد كتير كده بجد عشان الموضوع بقى بيزيد قوى وبقى وباء بجد
الاهتمام بالاستثمار واقامة شركات استشمار صناعى وزراعى واقامة فندق 5 نجوم فى المحافظة لجذب السياحة ..لايوجد للاسف وظائف مناسبة للخريجين مع ان المحافظة كبيرة جدا ومهمة جدا وقريبة من العاصمة وباقى المحافظات..الاهتمام باقتصاد المحافظة
علي اي اساس حضرتك قولت ان نسبة 80% من خطة 100اتحققت انا من الزقازيق وعاوز اعرف وللعلم حنا بندفع فلوس لعمال النظافة من اجل رفع الزبالة غير اللي علي فاتورة الكهرباء
امتى هحس ان المحافظة اصبح فيها تنميه
وهل التنميه هتبدأ من القرى ولا هتنتهي بيها
نفسي اشوف الزقازيق نظيفة القمامة اصبحت تلال في الشوارع
رسوم النظافه اللي بتحصلها شركة الكهرباء لييييييييييييه؟؟؟؟
فين اماكن الترفية في المحافظه ؟
يفتح التقديمات للشباب ويبطل شغل الاخونة والتعقيد والقرف وحوار قفل المحلات دا مش هيتم وعافية هو احنا ناقصين خانقة وقرف …لو اتنفذ القرار دا التثبيت فى الشارع هيبقى سهل جدا لانها هتبقى فاضية وفى ناس اصلا رزقها وشغلها بيبتدى من الساعة 9 وغير ان بالقرار دا بيخنق العاطلين يعنى مش كفاية مفيش شغل لأ يقولك كمان ولا حتى تفك عن نفسك مالقرف مفيش فكر مستقبلى ولا استراتيجيات وكله خرف وتخلف
دايما بنبعت شكاوى فى البوسطة عن وجود فساد مالى وإدارى فى مركز تقنية الإتصالات وتكنولوجيا المعلومات جامعة الزقازيق ومفيش أى إجراءات بتتخذ فى الموضوع دا .. دايما بنحس ان الجامعة مش خاضعة لأى رقابة وخارج كل حدود المتابعة .. الجامعة غير خاضعة لأى جهة رقابية .. والرفابة الإدارية الشكوى فيها غير مجدية ومبيتمش التحقيق فيها .. ليه المحافظة مش بترد على شكوتنا دى أو بتوجه الشكوى لجهة أعلى .. محتاجين عملية رقابة مكثفة على الفساد اللى بيحصل فى الجامعة دا ..
على اى اساس قلت ان 80% من خطة ال 100 يوم اتحققت هوا انت محافظ الشريقة اللى فين دى بالظبط يا ريت تشوف المواصلات والبنزين وتراجع نفسك تانى وتشوف المراكز شوية وخصوصا كفر صقر عشان نسبة كبيرة اوى من موظفين المصالح الحكومية حرامية
منظر الزبالة في الشوارع الرئيسية في الزقازيق ممكن يعبر عن أداء المحافظ
كيف تختار ياسيادة المحافظ من يدير مكتبتك ؟
ماذا فعلت بخصوص مشرحة مستشفي فاقوس التي وعدت القوي السياسية باصلاحها وتوفير مبلغ 200الف جنية انت ود فريد اسماعيل
هل ستظل مشكلة السولار والبنزين والانابيب وسوء الرغيف تهدد المحافظة؟
هل صحيح مايقال عنك انك لاتستطيع ان تأخذ قرار الا بالرجوع الي قيادات الاخون؟
لماذا لا تقوم المحافظة بفرض تسعيرة موحده التجار لسوق جميع السلع الاستهلاكية ؟
لماذا لا تحدد اجرة المواصلات سواء النقل خارج المحافظة او داخل المحافظة ؟
لماذا لا نشاهد من سيادك برنامج او خطة عمل تعرضها على المواطنين كل شهر وتطلب من المواطنين محاسبتك اذا تم تقصير ؟
لماذا تحدد سيادتك مؤتمر شعبى مره كل شهر لكى تستقبل مشاكل المواطنين ؟
اين ديوان المظالم الذى وعدة المواطنين به فى بداية عملك بالمحافظة ؟
كان المستشار محمد عبد القادر المحافظ الاسبق وعد المواطنين انه سيقوم بأنشاء مجمع مواقف خارج المدينة بتحديد بمنطقة العصلوجى لكى يخفف العباء والازدحام داخل المدينه فهل سنجد من المستشار حسن النجار تحقيق لهذا الوعد ؟
ما مصير مشروع المصرية بلازا الان بعد ان ماطل القضاء فى انهاء الخلافات بين الشركة المستثمرة والمحافظة ؟
سيادة المحافظ ممكن زيارة بسيطة لقرية ميت ربيعة الدللا وياريت تركز على مركز الشباب والمستشفى التى تكلفت اكثر من مليون جنية ويوجد اهمال بمركز الشباب المفتوح للافراح والحششين ليلا فقط نتمنى الزيارة فقط 10 دقايق رجاء من شباب هذة القرية – شكرا
السلام عليكم انا من الزقازيق من كفر محمد حسين هذا الكفر كان هداء قبل الثوره اما بعد الثوره انتشر فى بياعين السلاح و بياعين المخدرات و المشاكل كترت يا سيادة المحافظ ارجوا من سيادتكم تشديد الرقابه على الكفر من المباحث و الشرطه و شكراا
احنا هنشتغل امتى يا سيادة المحافظ ؟ كل الدفعات اللي قبلي اتعينت و اي تعيينات جديدة في الادارة او عقودات بتوع الادارة بيوزعوها على معارفهم واللي يدفعوا فلوس
حتى اللي مش تبع التعليم فيه ناس كتير اشتغلت بأماكن مختلفة وده كله طبعا بالواسطة
طيب اللي ملوش غير ربنا يعمل ايه ؟؟ يموت في البلد دي ولا ينتحر اكرمله !!!!
احنا مصيرنا ايه ؟ وامتى هيكون لينا قيمة في البلد دي ؟؟؟؟
الطرق وخصوصا طريق الزقازيق العاشر والمواقف العشوائية والمرور بشكل عام وخصوصا التوك توك , المستشفيات وماوصلت اليه من سوءفى جميع المحافظة ونحنن نعلم انها مشكلة دولة وليست عندنا فقط لكن نريد اولويه لصحة المواطن طبعا المشاكل تلك بالنسبة لكل المحافظة وليست الزقازيق فقط , وهناك مشكله بعد ان سمعنا عن التفكير فى فصل العاشر من رمضان وتحويلها لمحافظة نرجوك لاتسمح بهذا القرار لانه بقليل من التفكير ممكن استغلال هذة المدينة ومواردها فى تطوير كامل المحافظة بمشاركة رجال اعمالها والمحافظة اعتقد ان تلك هى اهم المشاكل التى تواجه سيادتك فى الوقت الحالى والتى تحتاج لحل سريع لكن هناك مشاكل كثيرة جدا لكنها تحتاج لبدايه وفترة زمنيه ونحن معكم يدنا بيدكم ان شاء الله اعانكم الله ووفقكم لما فيه الخير لمحافظتنا العريقة
سؤالي موجهه للمحافظ الحالي والقادم والقادم……إلخ أبوس إيدكم إمتي هتسيبوا قاعده المكاتب إمتي هتنزلوا الشوارع وتشوفي الحقيقه علي الطبيعه وماتقوليش إن سيادتك بتنزل عشان إحنا عايشين في الزقازيق مش عايشين في حته تانيه إمتي هيبقي ليكم دور في البلد غير الأمضاء علي الورق إمتي هايجي الوقت إن المسؤل ينظر إلي الأمام إمتي سوف يتم تشجيع الأفكار المجانيه المتطوعه المطروحه علي المحافظ لتنميه المحافظه إمتي إمتي إمتي والله سوف تسألون يوم الحساب علي كل هذا.. أرجوا إنك ماتزعلش مني يا سياده المحافظ ولكن هي دي الحقيقه المره إلي إحنا عايشنها وأقسم برب الكعبه إن دور المحافظ هو أساس تطوير مصر فلو كل محافظ قام بدوره كما هو مطلوب فسوف تنهض مصر علي الأقل داخليا لأن المحافظ يعلم أكثر من رئيس الجمهوريه عن المحافظه فأرجوا من سيادتكم النظر لتطوير المحافظه فأنت رئيس الدوله في المحافظه ولا تنظر إلي الخلف وإبدأ وسوف يقف بجوارك شعب الشرقيه بالكامل ولكن إذا رأوا تغير حقيقي ولا تخف علي منصبك فأذا بدأت في التغيير الحقيقي فلن يتركك شعب الشرقيه وسيظل يساندك إلي أن تبقي في منصبك وإذا تركت منصبك فلن ينساك التاريخ..يا سياده المحافظ مشاكل المحافظه كثيره ولا يوجد مشكله إلا ولها حل ولكن تتطلب القرار الصحيح والتنفيذ القوي..وعلي فكره انا ذهبت للمحافظه كذا مره لأعرض عليهم حلول حقيقيه لجميع مشاكل الزقازيق سواء المرور أو الزباله أو الباعه الجائلين أو الزحمه المروريه أو تنظيم الشوارع أو زياده دخل المحافظه بأقل التكاليف وأنت تعلم عندما يزيد دخل المحافظه فسوف يتم حل مشاكل أخري كثيره ولكن كان الأستقبال عباره عن إستهزاء وأنا ومن هذا الموقع تحديدا أعرض عليك حلول كثيره مجانا وبدون مقابل فأنا طبيب والحمدلله مستوره ولكن كل هذا حبا في بلدي مصر وتحديدا الزقازيق
مشروع السرفيس من بلبيس للعاشر غاية فى السوء والاستغلال خصوصا فى فترات الذروة ولا توجد سيارات لنقل الركاب لا اعرف هل من قلة ام سوء متابعة للسيارات والشىء الاخر لا يوجد خدمات مرورية نهائيا منذ عهد العميد علاء رشاد
سيادة المحافظ انت الان متولى منصب محافظ الشرقية منذ اكثر من شهريين ماهى مجهودات التى بذلت من اجل تجميل مدينة الزقازيق ومتى سنرى مدينة الذقازيق شوارعها خالية من الاتربة والقمامة علما بأن النظافة ليست القمامة فقط بل ايضا رفع الاتربة من شوارع المحافظة ورصف الطرق وليس ترقيعها
لماذا لم يتم اعاده تهيئه ورصف شوارع الزقازيق حتي الان ويتم معاقبه كل من يصنع مطب صناعي امام منزله غير مطابق للمواصفات ؟
سيادة المستشار تحية طيبه أتمني من الله أن يوفقك وأنا أعلم أن المسئولية كبير ولكن أنت له
أذا أردت حل لمعظم المشكلات عليك بمحاربة الفساد
فساد المحليات مازلت الرشاوي تدفع مازال الاهمل في أداء عملهم دورهم في النظافه لايأ يدونه علي أكمل وجه
مشكلة الخبز الرقابه ثم الرقابه رقابة الأفران ورقابة مفتشي التمون لان الفساد يقع بين الطرفان صاحب الفرن ومفتش التموين
الغاز نفس مشكلة الخبز المفتش وصاحب المستودع
أذا ياسيدي الحل هو محاربة الفساد
وشكرا لحضرتك علي سعة صدرك
سيادة المستشار هذه شكوي وليس سؤال
شكوي من قرتيي الجوسق والعبسي التابعة لمركز بلبيس طريق بلبيس مينا القمح أنها أستغاثة الاهالي أن تنقذهم من معانتهم المستمرة مع سائقي الميكروباص هل يعقل يعقل أن تكون كلتي القريتين اول محطه علي طريق بلبيس مينا القمح ولا يقبل السائقين أن تركب الاهالي معهم
ويكون الخط فقط شبر مية جابر البلادان التي تاتي بعدنا وكم من مرة بحث الشباب المشكله مع السائقين والمسئولون ولكن دون جدوي
هل يعقل أن الناس تقف بموقف بلبيس أكثر من ساعة او ساعتنا حتي تعود إلي بلدهم والمسافه بين بلبيس والقريتين 7 كيلو الحل بسيط يا سيادة المحافظ وهو أعادة تشغيل النقل الجماعي علي هذا الخط لحل المشكله أرجو أن تنالي شكوي أهتمام حضرتك
كنت حابب اسأل المحافظ
امتى الشاب هيشتغل ويلاقى وظيفه من غير واسطه
يعنى دلوقتى اخويا الكبير بقاله 8 سنين متخرج ومش لاقى شغل حكومه امتى يشتغل بعقد
للعلم انه بكالريوس تجاره
فلو فعلا حضرتك شايف ان التعليم العالى مش واخد حقه زى الناس اللى بتتعلم صنعه ف ايديهم وبيشتغلوا بيها وماشاء الله فاتحين بيوت كويسه
يبقى تقولولنا بلاش تعليم عالى بقى ونكتفى بالاعداديه حتى
ياريت رد وعدم استهانه
سيادة المحافظ تعلم حضرتك انه تم تعيين من امضى ثلاث سنوات بعقد مؤقت بالعمل بالتربية والتعليم فهل تعلم سيادتكم كيف حصل هؤلاء على العقود ؟ تعلم ذلك جيدا تنه عنطريق الوسطة والمحسوبية ومعظمهم ليسوا خريجي كليات التربية . ماذا يفعل من لم يحصل على عقد لانة لم يكن لدية واسطة ؟
السؤال الثاني جاء سيادات المحافظ عزازي علي عزازي واعطى تأشيرات على عقود لكل من هب ودب وذهبوا للعمل بالمدارس فانا اعرف مدارس بها خريجي دبلومات صناعي وزراعة وتجارة ويعملون على بناء العقول كيف هذا ياسيادة المحافظ وهم غير مؤهلين ولم يعملوا بالتدريس من قبل ؟
السؤال الثالث عملت بعقد مؤقت لمدة سنتين وانا خريج كلية تربية قسم لغة انجليزية وذلك فى عامي 2005 ، 2006 وتركت العمل لانة لم يكن هناك امل فى البلد وسافرت للخارج ولم اوفق اود الرجوع الى عملي مرة اخرى كيف ذلك ؟
يا سيادة المحافظ الانبوبة وصل سعرها ل 20و 30 جنيه فى قرية بها مستودع (توكيل لشركة الغازات البترولية ) ما بالكم بالقرى الاخرى التى لا يوجد بها مستودعات والكهرباء فى غاية السوء وانقطاعها مستمر ولى عداد بشكبة كهرباء ههيا باسمى لشقة بمنزلى تقدمت بطلب منذ شهر 4/2011 وحتى الان لم يتم استفياء الاوراق لكى ادفع الرسوم بالرغم من اننى مرخص للمنزل والمنزل بوسط الكتلة السكانية وبه عداد اناره وشكوت مرات عديدة الى قطاع ابوكبير ولم يتم الرد على
خلينا نستخدم الاسئله السهله البسيطة … يعني مثلاً .. متي يتمكن المواطن ” الغلبان ” من السير علي رصيف ” موحد ” بدون مطبات ؟ ….. متي يمكن ان نتعامل كآدميين و نشرب كوب ماء نظيف بلا مجاري ؟ ….. متي يتم الاستعانه بالخبراء في تخطيط حركة سير السيارات بشكل علمي للتغلب علي حرب الشوارع بين السيارات ؟ …. متي يتم رفع لوحات الاعلانات العشوائيه المنتشرة في كل شارع و حاره و علي العمارات من اسفلها لأعلاها ؟ …. متي يتم تطوير مداخل الزقازيق بما يتلائم مع الكثافه المرورية و المستوي الحضاري ؟ …. متي يتم تطوير الاحياء الفقيرة المنتشرة في كل انحاء المدينه ؟ ….. متي يتمكن المواطن من التحرك داخل المدينه في مواصلات عامه تحترم آدميته ؟ ….. متي يتم انشاء مصانع لتدوير ” القمامه ” و تحويلها الي طاقه كهربائية تضاء بها المدينه و ما حولها ؟! …. و اخيراً متي سنشاهد رجلاً في اي جهاز حكومي يملك اي رؤيا محدده بزمن للنهوض برعيته ؟ … و في النهايه …. متي سيقوم المحافظ بطرد ” الصحفيه ” من مكتبه بعد ما ” تنكد ” عليه بالاسئله السخيفة دي !!!
انا بعت لسته طلبات قبل كده للمحافظ … بس فى اللقاء ده تحديدا يا استاذه ايمان ارجو طلب واحد كبدايه … برجاء الطلب من المحافظ تفعيل عداد التاكسى فى الشرقيه … رجاء
العداد موجود فى كل تاكسى و البرنامج بتاعه عليه و المفروض انه جاهز للشغل … الموضوع بقى صعب جدا
بالأمس ركبت تاكسى من طريق الغشام لوادى النيل و أخد 10 جنيه ولإضطرارى للمشوار لما كنت ركبت معه عشان محدش يقول انى انا اللى ساعدته فى الغلط لأنه كان مشوار مهم جدا و للأسف السواقين بيستغلوا الموقف !
امتى سكان محافظة الاسماعيليه يشكروا فى محافظة الشرقيه زى ماحنا بنشكر فى محافظتهم ؟؟
يا سيادة المحافظ الانبوبة وصل سعرها ل 20و 30 جنيه عوزين تغير رجل د/على المصيلحى ولا انت مش قادر مكتب تموين ابوكبير فايع على الفرن وسلع التمونيه فيريت تعمل تنقلت سريعه ولا انت مستنى ايه
نفسى التراب الاعلى جنب الرصيف يتشال الواحد صدره وجعه من كتر الترب الافى البلد كل لما الواحد يمشى فى حته بيتخانق من التراب الواحد بينزل جميع المحافظات الجمهوريه ما بيلاقى تراب زى محافظه الشرقيه
انا خريجة تربيه نوعيه تربيه فنيه الزقازيق 2008 وعندى ورق ومستندات يثبت فساد فى التربيه والتعليم ويثبت ضياع حقى وقدمت كتيبر جدا شكاوى وطلبات والتماسات من المحافظين السابقين وللنيابه الاداريه ووكل مكان ومع ذلك ومع كل الورق والمستندات الا انه اتحفظ التحقيق وبتتقفل الشكاوى بدون ما اعرف ليه ولا حتى لصالح مين عايزه اعرف اعمل ايه عشان اجيب حقى اعمل ايه وانا شايفه وعارفه ومعايا مستندات زى دى ومش عارفه اوصل لحقى ومش فهمه لمصلحة مين كل ده لما ابقى تخصص وحد تانى ياخد مكانى وهو مش تخصص ولما اروح اشتكى بالورق ما يتمش حاجه
سيادة المستشار :
1- اين زيارتك الميدانية للمدينة العاصمة ومتابعة حالة المرور والنظافة فى اوقات الظهيرة؟
2-هل يعقل امام المحافظة بجوار النادى الزراعى كل يوم يوجد بائع للسمك وفاكه واقف فى عرض الطريق؟
3- اين شركات النظافة التى أعلنت عنها سيادتك؟ وما موقف الجمعيات الهلية الفاشل؟
4- قمنا بالأشتراك بجمعية النور ولاكن للأسف غير ملتزمة بالمرة
سيادة المحافظ
حضرتك وعدت ان هتكون فيه حل لمشكلة النظافة ورغم ذلك مشوفناش اي حل والقمامة ف كل مكان وف كل الشوارع
فين متابعة سيادتك وفين الحل
ثانيا انا متخرجة بقالي 3 سنين ومحضرة دراسات عليا ومعايا كورس كمبيوتر ودفعتي ناس كتير اتعينت منها وانا وزملائي من قسم اللغة الانجليزية لحد الان لسه مجلناش عقود انا تابعة لادارة غرب للاسف مخدتش اي فرد من تخصصي ولو فعلا مش محتاجين اللغة الانجليزية ليه فتحو باب التقديمات من البداية هو المفروض نعمل ايه بالظبط عشان نشتغل بجد كده يعتبر ظلم كبير جدا
ياريت يا سيادة المحافظ حضرتك تقولنا الحل بالنسبه للتظمات في مديرية التربية والتعليم حلها إمتا سواء بالتثبيت أو بالعقد المميز نرجو من سيادتك تقولنا حلها إيه لإننا مثل ما حضرتك عارف بنقبض 102 جنيه بالتمام والكمال أكيد ده ميرضيش حضرتك فا نرجو من سيادتك عمل اللازم لنا وسرعه إجراء تثبيتنا أو عمل عقود مميزة لنا وشكراً لك وربنا يعينك علي البلد
أين دعمك لمستشفى أبوكبير ؟؟؟ ودعمك للعناية المركزة اللى كانت تكلفتها 10 مليون جنية ومفيش ولا عقد صيانة لأى جهاز فيها يعنى من الأأخر كلها شهور وتبقى ذيها ذى االمستشفى اللى للأسف لا تصلح لعلاج الحيوانات ….
رجاء خاص فتح خط أتصال بين سيداتكم وبين دكتور محمود جمعه المسؤل عن العناية المركزة بأبوكبير وتحاولوا تحافظوا على اللى اتعمل طالما صعب نعمل جديد
نفسي اشوف حضرتك في جولة ميدانية بدون سيارة حكومية او حراسة حتي لا تنظف الطرق وترش بالماء اتقوا الله في رعايكم ان كنت عادل تتجول بين العباد وتعرف علي مشكلاتهم بدون رياء واعلم ان بداية الاصلاح تاتي بالصلاح
يعجبني في المحافظين السابقين انهم كان عندهم وطنية جامدة لدرجة ان اي عجز في محافظة تانية كانوا سيادتهم يتبرعوا بالفائض اللي عندهم والسؤال هل سيادتك ستسير علي نفس النهج؟
نفسي السيد المحافظ المحترم اللى بينتسب الى القضاء يقولى لمصلحة من يمتنع عن تنفيذ الاحكام القضائيو وما هو الثمن اللى تحصل عليه جراء الامتناع بالرغم من عدم قانونية الامتناع واقوله يا محافظ الشرقية انا مستعد لمناقشتك امام الشعب المصري لاثبان انك مخالف للقانون ولا تحترم حجية الاحكام القضائية ومستعد لمواجهتك قضائيا . سامي جبر المحامي بالابراهيمية شرقية .