متابعة وتصوير | أحمد حامد دياب
أقام اليوم أعضاء رابطة الطلاب الليبراليين بمحافظة الشرقية فاعليات للتعريف بالليبراليية كفكر عامة و بالرابطة خاصة و قام أعضاء الرابطة بتوزيع المنشوارت التى تشرح معنى الليبرالية وتعرف رابطة الطلاب الليبرالية وأهدافها داخل الحرم الجامعى بجامعة الزقازيق.
وبسؤالنا| أحمد عوض/ منسق الرابطة بجامعة الزقازيق عن أهداف الرابطة فأجاب:-
هدفنا طالب مصري قادر على العمل العام مدمج فى الثقافة بجميع انواعها (الفكرية والاقتصادية والاجتماعية والسياسية)
وأضاف:- عاوزين نعيش فى مجتمع خالي من التحرش والمعاكسات ,مجتمع يقدر حرية الرأى والاختلاف , مجتمع واعى ومثقف,فاهم دينه صح ومؤمن برحمة الله فى خلق عقل الانسان ,عارف يعنى ايه تعايش ومواطنة ,مجتمع قادر يصنع مستقبله بنفسه مش مستنى عطف ولا معونة من حد,مجتمع قادر يصنع حضارة بجد ,مجتمع وقت الصلاة بيصلى ووقت الشغل بيشتغل ,مؤمن بقوة العلم وسحر الثقافة ونور الايمان
وبسؤال|أمين سعيد / عضو الرابطة عن معنى الليبرالية؟ فأجاب:-
اليبرالية تعنى نقاش وحوار وانت حر ما لم تضر يعنى المخدرات مش حرية والدعارة مش حرية دى جرايم بتفسد منظومة مجتمع مش بتاع حد لوحده..بتاعنا كلنا
ومن أمين سعيد الى يارا يوسف حيث قالت:-
اليبرالية تعنى احترام رأى الاغلبية واحترام وجود الاقلية اى أقلية حتى لو كانت أقلية فكرية. ليبرالية يعنى ايمان بقوة الفرد فى التغيير عبر البناء الديموقراطى فى شكل دولة مدنية يحكمها دستور قوى ومحترم يعبر فعلاً عن ارادة الشعب.
وبسؤالهم عن ردة فعل طلاب جامعة الزقازيق تجاه التعريف عن الليبرالية فاجاب منسق الرابطة ان ردة الفعل كانت جيدة وأبدى العديد من الطلاب تفهم واضح لمعنى الليبرالية وأبدى بعضهم دهشته لانه أول مرة يعرف المعنى الحقيقي عن الليبرالية فيما تسأل بعض الطلاب عما يشاع عن الليبرالية من أفكار سيئة وقمنا بشرح كافة التفاصيل لهم
وأضاف انهم تعرضوا لبعض المضايقات من الامن الجامعى لكن تم التغلب عليها لان الرابطة تدعوا الى الثقافة والفكر والعلم والعمل ولا تنتمى الى اى تيار سياسي.
والجدير بالذكر ان رابطة الطلاب الليبراليين عبارة عن مجموعة من الشباب المؤمن بالفكر الليبرالي ولا يتبعوا اى جهة او اى تيار سياسي وهدفهم نشر الثقافة والفكر وارساء مبادئ الحوار واحترام الاخر بالمجتمع وأيضاً تقوم على الجهد الذاتى للاعضاء كلاً حسب مقدرته .
المصدر | الشرقية توداى
تابع الشرقية توداي على جوجل نيوز 
والله العظيم كل ال بتقولوه ده وبتنشروه كله على بعضه من تعاليم الإسلام ومبادءه —- تبقى ليبرالية إيه بقة وعلمانية إيه —- ده إسلاااااااااااااااااااااااااااااام يا بني آدمين وشرف لكل إنسان أن يقول ويعلن أنا إسلااااااااااااااااااااامي
وغير المسلمين كمان لما بيسمعوا تعاليم الإسلام الصحيح بيعرفوا إن هوا دا بالظبط ال عايزينه عشان يعيشوا في أمان وامن ….
بلاش الله يخليكم نعيش في ثياب غيرنا (( لن أعيش في جلباب الغرب — فثيابي هو الإسلام ))
ربنا يعينكو يا شباب فى مهمة صعبة مهمة اضاءة العقول المظلمة عقول منغلقة لا تعترف بالاخر