ثقافة و فن

بيومي فؤاد بعد تلقيه مكالمة من فنان كبير: «كان ناقص أتحزم وأرقص»

%d8%a8%d9%8a%d9%88%d9%85%d9%8a

تحدث الفنان بيومي فؤاد، في برنامج «90 دقيقة»، الذي يذاع على قناة «المحور»، عن الدور الذي ترشح إليها في المسلسل الذي عرض العام الماضي «أستاذ ورئيس قسم»، وعبر عن مدى سعادته حينما هاتفه عادل إمام طالبًا منه الحضور إليه، وأوضح أنه جلس معه في منزله بالساحل الشمالي لمدة 4 ساعات.

وقال «فؤاد»: «في يوم كنت ماشي رايح التصوير فبرد لقيت رقم خاص على الموبايل، وحد قالي أزيك يا أستاذ بيومي، أنت بقى عمال تمثل كل حاجه وأعضاء النقابة متضايقين.. أنا في العادي لو حد قالي كده بفتكر أنه حد من أصحابي فبقعد أهزر بقى وكده، لكن قلقت وعمال أجمع في الصوت قلت عارفة، أنا قلت حد من جهة سيادية ورقم خاص بقى، وقالي أنت عارف أنا مين؟ قلت بجمع يا فندم في الصوت، قالي أنا عادل إمام، أقسم بالله العظيم بقيت زي الطفل اللي بتقوله هنروح المصيف دلوقتي وهو محروم».

وتابع: «أنا قعدت أهلل في العربية وهو معايا على التليفون، وكان معايا السواق قال ده اتجنن ولا إيه! كان ناقص أتحزم وأرقص في العربية.. هو استدعاني بس لكن ما تقابلناش واعتذرت على عيني من مسلسل أستاذ ورئيس قسم علشان كنت ماضي على حاجات من غير ما نلتقي، وبعدين قالي في التليفون أنا في الساحل ما تيجيلي؟ قلتله حاضر يا فندم، وروحتله وكان يوم حافل، وقعدنا 4 أو 5 ساعات مشيت من عنده الصبح وكان عندي شغل».

 

المصدر 

shady zaabl

كاتب صحفي مصري مهتم بالمواقع الإلكترونية وإدارتها وكتابة المقالات في جميع الأقسام وذو خبرة في الصحافة والإعلام والمحتوى لـ 5 سنوات وفقً لدراسة أكاديمية وتطبيق عملي .
زر الذهاب إلى الأعلى