أعلن السيناريست «تامر حبيب» عن استيائه بسبب استفسارات الصحفيين عن سبب اعتزال الفنان «شيرين عبد الوهاب» للفن.
وقال عبر صفحته علي الفبيسبوك: «أما بالنسبة لخبر اعتزال شيرين عبد الوهاب، فأنا عرفت الخبر ده الساعة ٨،٣٠ صباحاً من احد الصحفيين اللي كلمني حوالي خمس مرات ورا بعض و صحاني من أحلاها نومة مع ان نومي تقيل، و الغريبة انه لغاية ما الساعة بقت عشرة كان كلمني تلاتة غيره عايزين مني اي معلومة، مع العلم انهم قاصدين يطلبوا تامر حبيب مش تامر عبد الوهاب، و بيني و بين شيرين صداقة لطيفة و زمالة لذيذة، لكن أنا مش من باقية عيليتها، و فرضاً أني تامر عبد الوهاب و ان شيرين مابتاخدش نفسها غير لما تقولي».
وأضاف: «هل من الكياسة أو اللباقة أو الذوق أو المنطق، إن واحد عشان عايز خبر، يقلق منام واحد ارتيست، و معروف ان الارتيستات ولاد ليل و بيصحوا الضهر ومش مهم خالص الاعتبارات الآدمية و الذوق و التربية اللي مابيتشروش؟ طب اديكم اتهزقتوا علي الصبح… علي فكرة ساعات تصرفات و الاقتحام و الانتهاك دول بيبقوا سبب أساسي و مباشر في إصابة الفنان بالزهق و القرف و الخنقة و ضيق الخلق، و يقول جااااااي، طب و الله مانا مشتغلها تاني، و يعتزل المهنة بسبب الف علة عند الآخرين مالهومش اي علاقة بطبيعة المهنة، ياللا اكتبوا بقي ان أنا صرحت ان هو ده سبب قرار شيرين الإعتزال» .
المصدر
تابع الشرقية توداي على جوجل نيوز 
