أسعار وعملات

تراجع سعر الذهب لأقل من 600 جنيه للمرة الأولى منذ عامين

 

 أسعار الذهب اليوم الأربعاء 25 يوليو 2018
أسعار الذهب اليوم الأربعاء 25 يوليو 2018

 

لم ينخفض الذهب عيار 21، لأقل من 600 جنيه، منذ نحو عامين، بل هو في ازدياد دائم، وكان أعلى سعر وصل إليه هو 667 جنيها، إلا أن سعره تراجع اليوم لـ595 جنيها.

وقال معتز مجدي، صاحب محل للصاغة، بمنطقة الحسين، إن سعر جرام الذهب بدأ بتراجع خلال شهرين: “كان أعلى سعر وصل ليه 667 جنيه، والسعر دلوقتي 595 جنيه، يعني نزل حوالي 73 جنيه في الجرام، طبعا دي نسبة كبيرة تتعدى الـ10%”.

وأضاف معتز: “وطبعا الانهيار ده حصل برده بعد تراجع الليرة التركية، بسبب قوة العملة الأمريكية قصاد باقي العملات، عندنا الدولار والذهب مرتبطين ببعض، عكس عكاس يعني، لما الدولار يطلع، عُملته، الدهب، ينزل”، موضحا أن لم تكن هناك أي توقعات بالوصول لهذا التراجع: “أول مرة نشوف السعر ده بقالنا سنتين، يعني السعر كان ثابت على 630 جنيه، 640 جنيه يعني بيتحرك بين 10 جنيه فوق أو تحت في الحدود دي فالسعر حصل بسرعة شديدة”.

وتابع الشاب العشريني أن ذلك يؤثر بالطبع على سوق الذهب: “إحنا عندنا السعر يزيد أو السعر يقل ملوش علاقة بحركة البيع والشراء” فالأمر مرتبط أكثر باستقرار الأسعار فعندما يكون السوق مستقرا يقبل الزبون على الشراء والبيع: “لكن الزبون دلوقتي لما ييجي يشتري، يقول ما يمكن ينزل أكتر، أستنى”، وكذلك أيضا في ارتفاع سعر الذهب يخشى الشخص من الشراء، معتقدا أنه سيتراجع مرة أخرى، فعدم استقرار الأسعار، يسبب خللا في الإقبال وتوقفا لحركة البيع، وشبه ركود في السوق.

وأوضح معتز أنه في كل الأحوال، فإن سعر الذهب الآن يعتبر مميزا جدا للشراء، وينصح الناس باستغلال ذلك بشراء الذهب: “السعر ده ماوصلنالوش بقالنا أكتر من سنتين من ساعة التعويم”.

وأشار صاحب محل الذهب، إلى أنه يصعب توقع أسعار الذهب، قائلا: “محدش بيبقى عنده صورة واضحة، الدهب عندنا مرتبط جدا بأسعار الدولار المحلي، هو يعتبر دلوقتي مش مؤثر، اللي مأثر جامد، البورصة العالمية”.

وشرح أن الذهب “خامة”، وهو رأس مال فبالنسبة له لا يتأثر في حالة الانخفاض أو الارتفاع: “وعلى مدار الأعوام اللي فاتت مهما حصل في انخفاض، بيعاود الارتفاع تاني، عُمره ما بيبقى في النازل، دايما في الطالع، حتى لو أخد وقت طويل”.

وعن المستفيدين الآن بهذه الأسعار، أوضح معتز، أنهم “المقبلون على الزواج” كونه سعر جيد للشراء: “وبالنسبة للصاغة، موسم الشغل عندنا بيبقى الصيف، ودلوقتي كمان في أعياد، فبتلاقي الناس بتتجوز”.

المصدر

أحمد الدويري

كاتب صحفي منذ عام 2011 ، أكتب جميع أنواع قوالب الصحافة، تعلمت الكتابة بشكل جيد جدًا من خلال موقع الشرقية توداي الذي انضممت له منذ عام 2012 وحتى الآن
زر الذهاب إلى الأعلى