كتب | شادي زعبل
رد الرئيس عبد الفتاح السيسي، على آراء المواطنين حول فترة حكمه الأولى: أنا مش مكنتش عايز أسمع الكلام ده لانى عارفه، لكن فيه نقطة واحدة هتكلم عليها هي أن المواطن حاسس ان فيه رقيب على كلامه، هو يتكلم زي ما هو عايز.
وأضاف ، المشكلة مش في الكلام، لان المفروض انه مايكونش فيه مشكلة في الكلام، لكن المشكلة في اننا نفكر كويس اوي قبل ما نتكلم، علشان الكلمة اللى هنقولها هنصدقها بعد كدة، زي مثلا قولت مافيش أمل مافيش أمل هتعيش وانت مصدق ان مافيش أمل، وكمان اى حد يعتقد ان لو حد هيتكلم الأمن هياخده، لكن ده مش حقيقي مافيش أى قيود على الكلام.
وتابع: مش بقول الكلام ده للاستهلاك المحلي، الناس حرة تماما في كل آرائها وكل تصرفاتها، ولكن مافيش حرية في القيام بأعمال تضر البلد.
واستطرد: انتوا قولتوا كلام صعب وانا استحملته، ياترى هتستحملوا الكلام اللى انا بقوله ولا ايه.فيه واحد بيقول انا مايهمنيش غير «المم»، لاكن اقوله البني آدم اللى انت هتخلفه مش «المم» بس يعيش بيه، لكن التربيه والمعيشة والأكل.
تابع الشرقية توداي على جوجل نيوز 
