علقت الفنانة سما المصري على خبر حبس الإعلامية ريهام سعيد مقدمة برنامج “صبايا الخير”، قائلة: “اللهم لا تؤاخذنا بما فعل السفهاء منا ولا تسلط علينا بذنوبنا من لا يخافك ولا يرحمنا يا رب”.
وأضافت سما، في تصريح صحفي: “أنا مش شمتانة بس حبيت أوريكم إن البلد دي فيها قانون، وسبق وطرحت الموضوع دا قبل كده عليكم، وأنتم ما صدقتوش وماحدش هان عليه يقول كلمة حق، ويقول إن الست دي غلطانة وبتتاجر بأمراض الناس”.
وتابعت المصري، في كلمتها: “الإعلام بتاعنا بقى بيتاجر للأسف بكل حاجة حتى بدم أطفالنا وسمعة ستات مصر.. ستات مصر يا أستاذة ريهام مش اللي إنتي بتجبيهم عندك في البرنامج.. هم مش دواعر ولا بتخون جوزها ولا لابساها عفريت ولا عنيها بتجيب دم ولا ملحدة ولا عندها صرع ولا ليها صور مش حلوة مع شاب زي فتاة المول.. ستات مصر أنضف من كده بكتير أوي وماحدش عارف اللي حصلك دا ذنب مين ولا مين.. ربنا ينجيكي بأه لو كنتي مظلومة وينتقم منك لو كنتي ظلمتي حد.. فضيحة الولايا مش سهلة وربنا منتقم جبار وأتمنى إنك تطلعي مظلومة من القضية دي لأنها مش سهلة”.
واختتمت سما قائلة: “لو جربتي حرقة دم الأمهات على عيالها اللي بتتخطف ماكنتيش فكرتي تعملي سبق صحفي عن الموضوع دا وتخلي واحد بجد يخطف عيال الناس.. خلوا بالكم من عيالكم والأهم تخلوا بالكم من الإعلام لأنه بيخاف يقول الحقيقة عشان المصالح والعلاقات وحاجات كتير أوي، بس البلد دي فيها قانون قادر يجيب حق الغلبان.. الغلبان في البلد دي ملهوش غير ربنا والقانون.. اللهم لا شماتة”.
تابع الشرقية توداي على جوجل نيوز 
