طالب الرئيس عبدالفتاح السيسي، بإعطاء الفرصة لأحد الشباب من أهالي محافظة قنا، بالحديث عن شبكة الطرق الموجودة بالمحافظة.
وأضاف السيسي، لشاب يدعى«أحمد جلال»، خلال افتتاح عدد من مشروعات الطرق والكباري، اليوم الأحد:« أنا مش بتكلم على الكوبري دا، أنا بتكلم على شبكة الطرق اللي جوا المحافظة، أوعوا تفتكروا إن أنا مش عارف إن شبكة الطرق الداخلية تحتاج رفع كفاءتها».
وتابع الرئيس: «لو إحنا بنتكلم على رفع كفاءة شبكة الطرق للدولة داخل كل المحافظات عايزين قد الـ 16 مليون مرة واتنين وتلاتة، هل لما يبقى الطالب ماشي بميكروباص يجد الطريق اللي ماشي عليه مناسب، دا موجود ولا لا؟ رد يا أحمد».
وقال أحمد، إن شبكة الطرق متهالكة، ليقاطعه الرئيس السيسي قائلًا:« عارف يعني إيه متهالكة يعني عدمانة العافية، بقول الكلام ليكم كلكم، احنا واخدين بالنا بس حجم المطلوب لرفع كفاءة الطرق دي ضخم جدًا».
كان الرئيس عبدالفتاح السيسي، وصل اليوم الأحد، مقر افتتاح مشروعات محاور النيل والطرق والكباري، بحضور عدد كبير من الوزراء وقيادات القوات المسلحة.
ويفتتح الرئيس السيسي اليوم، 5 مشروعات لهيئة الطرق والكبارى بتكلفة 7.9 مليار جنيه في مقدمتها الطريق الدائري الإقليمي.
تابع الشرقية توداي على جوجل نيوز 
