منوعات

طباخ الملك فاروق: أستاذ «الشوربة الملوكي» فتح بعد الثورة مطعمًا في السيدة

%d8%b7%d8%a8%d8%a7%d8%ae-%d8%a7%d9%84%d9%85%d9%84%d9%83

حلت إحسان حسن، ابنة طباخ الملك فاروق، ضيفة في برنامج «ست الحسن»، الذي يذاع على قناة «أون تي في»، وتحدثت عن أنواع الأكلات التي كان يتناولها الملك ويطبخها والدها من أجله، مشيرة إلى أن الملك كان يناديه بكلمة «يا أسطى حسن»، ولفتت إلى أن الملك كان يطلب منه عقب الانتهاء من إعداد الطعام أن يرى شكل الأطعمة التي أعدها.

وقالت «إحسان»: «كان بيقوله الملك يا سطى حسن وكان بيشوفه بعد الأصناف ما تتحط على السفرة يقوم باعتله، يطلع بقى يشوف اللي هو عامله، وكان يشوف شيء يشرف بقى، كان بيعمله أكل ملوكي جميع الاكل المطلوب، مثلًا يتقاله العزومة دي عايزة كذا وكذا فكان بابا يحضره من قبلها بيوم بطلباتها ويستجيب له، يعمل والسفرجي يطلع.. كان بيعلق على أن كله تمام مفيش نواقص في الأكل، والشوربة دي مكانش بيشربها شربة زينا، لا كانت مجموعة طيور على لحوم تفضل تستوي لغاية لما تنزل البهاريز بتاعتها، وكان بيشرب منها شوربة كتير علشان كده كان مليان ومتغذي».

وتابعت: «كنت في ابتدائية وكنا بنطلع مع بابا لما يسافر إسكندرية مع الملك عند قصر المنتزة، وبنقضي 3 شهور الصيف هناك، لدرجة أن في سنة بابا ملحقش يقدملي في مدرسة فدخلت داخلي سنة في إسكندرية، كنا بنقعد في القصر ولينا مكان مخصص كانت أيام حلوة مش هتتعوض، بعد الملك فاروق ما مشي بابا معجبوش الشغل مع  أي حد، لأن بابا أشتغل عند علي ماهر والبرنس سعيد حليم وبعدها الملك فاروق يعني كان ماسك الأسرة كاملة متكاملة، ومع بابا كان بيساعده 10 أو 12 كان بينزل يشتري من السوق والعربية تجيبهم، ولما مشي الملك بابا وصله لحد ما ركب اليخت كان بيحبه موت ورجع بدموع عينيه، وفتح بابا المطعم بتاعنا في السيدة زينب، وبابا قالي محدش يقعد في المحل غيرك وكان زوجي مات، وأنا عندي أخين، وبنتي بتساعدني في المطعم».

المصدر 

shady zaabl

كاتب صحفي مصري مهتم بالمواقع الإلكترونية وإدارتها وكتابة المقالات في جميع الأقسام وذو خبرة في الصحافة والإعلام والمحتوى لـ 5 سنوات وفقً لدراسة أكاديمية وتطبيق عملي .
زر الذهاب إلى الأعلى