كتبت | سارة عياد
بعد ارتفاع أسعاره في السوق المصري حضري المولتو في البيت بطريقة أسهل، إليكي الطريقة.
طريقة عمل المولتو:
أولا:المقادير
3كوب دقيق.
تلات ارباع كوب زبدة.
خميرة.
بيضة.
كوب زبادى .
رشة ملح ورشة سكر
كوب لبن
طريقة التحضير:
هنعجن عجينة هتكون لينة طبعا ونسيبها ترتاح وتتخمر فى مكان دافى مش هنستخدم الزبدة كلها هنستخدم نص وسيب الربع، وبعد ما العجينة تكون خمرت هنقطعها أجزاء عشان نعرف نستخدمها ونفردها عادى وندهنا زبدة ونعجنها تانى، ونسيبها على جمب لحد ما نخلص باقى الأجزاء كلها.
وبعدين نفردها تانى ونقطعها على شكل مثلثات ونحشيها الحشوة الى عاوزينها جبنة أو مربى، ونلفها الأول من عند الجنب العريض على شكل المولتو ونرص فى الصينية وبعدين نسيبها شوية قبل ما تدخل الفرن حوالى نص ساعة، وبعدين ندهن الوش شوية لبن مع زيت.
تابع الشرقية توداي على جوجل نيوز 
