ثقافة و فن

لهذا السبب دافعت أيتن عن نفسها بعد حلقة منى الشاذلي

أيتن عامر
أيتن عامر

كتبت  |هدير هشام

نشرت الفنانة «أيتن عامر» عبر حسابها الشخصي بموقع فيس بوك منشوراً، تعلق به على حلقتها مع الإعلامية« منى الشاذلي» في برنامج معكم، والتي عرضت مساء اليوم الأربعاء.

وكتبت« أيتن» في منشورها على الفيس بوك «أيوة في مشاكل أهم وأعمق من المشكلة بتاعتي اللى تناولتها النهاردة الإعلامية «منى الشاذلي»، ولكن خلينا نشوفها بشكل تانى، ليه منقولش إن تجربتي دى ممكن تبقى حافز لناس كتير نفسها تخس وظروفها المعنوية أو المادية مش مساعداها خصوصًا إن دكتور أحمد عمر وافق إنه ينزل الأنظمة الغذائية كاملة دون أى مقابل».

وأضافت «أيتن» «ليه منقولش إن دي تجربة فعلية تخلى الناس اللي بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إنه من الممكن منضرش صحتنا ونخش غرف عمليات ونعمل دايت وتخس ومنتكلفش كل الفلوس دى».

وأنهت أيتن منشورها  «ليه الحلقة دي متكونش بتهون على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها كدة وإنى كممثلة لا أتميز عنها بشيء سوى الإرادة وأشجعها تبدأ معايا، بلاش هجوم بلا داعي أنا مش هقدر أحل مشاكل الكون ولا مشكلة الغلاء ‏لكن ممكن أكون مصدر إلهام لبنات كتير وأساعدهم على الوصول لحلم صغير لأن هو ده اللى هقدر عليه».

والجدير بالذكر  أن الفنانة «أيتن عامر» تحدثت في حلقتها اليوم مع الإعلامية «منى الشاذلي» عن النظام الغذائي الذي تتبعه لإنقاص وزنها.

زر الذهاب إلى الأعلى