* بتخاف ترفض لشخص طلب حتي لو ده هيكون علي حساب نفسها، الشخصية دي أكتر شخصية بتظلم نفسها وتفضل دايما جواها صراع داخلي وكتير بتيجى على مصلحتها عشان الناس .
* لما شخص يزعلها و تفكر أنها تعاتبه و يزعل هو من عتابها ترجع تزعل من نفسها أنها عاتبت علي الرغم أن معاها حق .
* مبتريحش نفسها .
لانها ببساطة بتزعل و تفضل تكتم جواها لحد ما تقرر إنها متتعملش مع حد أو لما تفكر تتعامل تقسي أوي علي اللي قدمها و ترجع تندم علي اللي بتعمله لان ده مش من طبعها .
* الفراغ بالنسبالها مصدر سلبي لأي حاجة وحشة، لان أبسط موقف بيحصل بتفضل قاعدة مع نفسها وتفكر فى كل المواقف الصعبة اللي تعرضت ليها.
الشخصية الحساسة هي أكتر شخصية تعطى الحب بدون مقابل، و أكتر شخصية ممكن تكره الحب ده لو كان سبب في أضعافها .
*التعامل مع الشخصيات الحساسة ليه ميزة و عيب .
ميزة، أنهم قلبهم طيب وحنين جداً عكس مبيظهروا و بيسامحوا أوقات كتير .
عيب، بيدققوا في التفاصيل أوي، عايزين معاملة من اللي قدامهم زي اللي بيعاملوا بيها، و ده بيسبب لهم مشكلة أكتر لما يتعاملوا مع شخصيات مختلفة عنهم لأنهم للأسف مش بيلاقوا المعاملة اللي مستنينها .
*كمان بيسامحوا مرة و اثنين و ثلاثة بعد كده لما يقلبوا بيكونوا شخصيات تانية عصبية جداً، ممكن ده يسبب لهم قلة ثقة بالنفس جواهم و إحيانًا في كل اللي حواليهم .
*الشخصية الحساسة، بتكتم جواها و بتحاول تراعي مشاعر غيرها و ده مبيكونش ضعف منها، هي بس باقية علي العشرة، إنما لما بتقلب مبتعرفش ترجع زي الأول .
*نصيحة قدروا وجود الناس دي في حياتكم لأن وجودهم سند حقيقي لأنهم أكتر ناس ممكن يهتموا بجد و أكتر ناس لما تزعل بتبعد بجد
حاولوا لو هتتعاملوا مع شخصية حساسة بلاش تتعبوهم لأنهم بيتعبوا لوحدهم بسبب طريقة تفكيرهم .
رفقاً.
تابع الشرقية توداي على جوجل نيوز 
