خمس خطوات توصلك للسعادة فى حياتك
1 – قرب من ربنا وكلمه فى صلاتك واستمتع جدًا بدعائك وانت فى السجود مفيش حد هيمنعك تقول اللى أنت عايزه حس قد أى لما تتكلم وتخرج كل اللى جواك هترتاح كتير وهتلاقى دموعك نازلة بطبطب عليك .
2 – علشان توصل للسعادة محتاج تكسر الروتين اللى عايش فيه اعمل حاجات جديدة فى يومك التجديد هيحسسك بالتغيير.
3 – لو حاسس إنك مضايق أو مخنوق أو محبط حاول تتكلم وتفضفض مع حد وعندك حل من أثنين :
الأول : إنك تكلم شخص تعرفه و بتثق فيه وأنت عارف إن كلامك معاه هيساعدك تقدر تقوله كل حاجة وتطلب منه يقدملك نصيحة .
الثانى : تكلم حد متعرفهوش ودا فى الغالب بيكون أفضل لأنك هتتكلم براحتك وتقول كل اللى جواك وكمان مش هتبقى قلقان من حاجة وأنت بتتكلم وفى نهاية كلامك تطلب نصيحه .
4 – اقعد مع نفسك افتكر موقف بيفرحك حصلك قبل كده مع حد من صحابك أو مع أهلك افتكر كل تفاصيله وكل حاجة كانت مصدر فرحة ليك وقتها هتتبسط جدًا حتى لو الانبساط دا مؤقت اعمله لأنه هيكون بداية إنك ترجع لحالة أفضل من الحالة اللى أنت فيها.
5 – افتكر فى مره عملت ذنب وخفت جدًا حد يعرف وفضلت تدعى ربنا يسترك وفعلاً ربنا سترها معاك الموقف دا محتاج منك تقول الحمد لله على نعمة الستر رغب كل العيوب اللى فينا ربنا بيسترها معانا .
مقالات الرأي تعبر عن صاحبها ولا تعبر بالضرورة عن رأي الشرقية توداي
تابع الشرقية توداي على جوجل نيوز 
