مقالاتمقالات القراء

محمد الشافعي| يكتب: ليه الستات بتتعب من معاملة الرجالة

الشافعي

نفسياً ليه كتير من الستات بتتعب من معاملة الرجالة ؟!! لإنهم لو متكلموش و قالوا كل حاجة كتير من الرجالة مبتفهمش هما عايزين إيه أو يقصدوا إيه بالظبطً .. لذلك مهم أوي التوضيح في كل الأمور الخاصة:-

مثال ؛ لو إنتي في البيت و رتبتي الشقة و مهتمه بالأولاد و مخلصه كل حاجة مطلوبة منك ، كتير من الرجالة مش هتأخذ بالها من كل ده لأنه هيبقي شايف إن ده العادي و اللي المفروض إنك تعمليه ، حتي إنتي كـ زوجة بتبقي فاهمة و عارفة كويس إن ده دورك و مسؤوليتك إنتي فقط بتكوني محتاجة تسمعي منه كلمة شكرًا هتبقي مبسوطة أوي لإن وقتها هيحسسك إنك عملتي حاجة ده ممكن يحصل مع بعض الأشخاص و فيه ناس تانية بتعمل حاجة مختلفة إنه يدخل البيت يلفت نظرة حاجة معينة متعملتش هي ممكن متكونش مقصودة من الزوجة و لكن بيبدأ الزوج يعلق و ينتقدها و ده بيسببلها ضغط بسبب عدم توقع لرد فعله و من جواها بتبقي منتظرة منه يقدر اللي عملته

لو حصل معاكم مواقف زي كده ممكن تتصرفوا إزاي ؟!

١- ركزوا علي الحاجات المهمة اللي بتلفت نظرهم و بتكون مهمة بالنسبالهم زي أوضة النوم أو المكان اللي هيقعدً فيه و أكيد الحمام .

٢- لما تعملوا كل حاجة مطلوبة منكم عرفوهم ده بشكل واضح بأسلوب لطيف هيفرق كتير معاهم و أهم حاجة الابتسامة .

٣- الراجل لو دقق أوي في تفاصيل كل حاجة اعرفوا أن بيكون في حاجة مضايق منها و في الغالب بيكون محتاج يخرج الطاقة اللي جواه ف دي بتكون طريقة منهم ، في الوقت ده يفضل عدم الرد عليهم و الدخول في صادم لإنهم بشكل كبير ميقصدوش يقللوا من مجهودكم هما جواهم طاقة كبيرة و بيحاولوا يخرجوها.

٤- لما تكوني تعبانه حاولي توضحي تعبك ليه لإن كتير من الرجالة بتفقد مهارة التلميح ف وصلوا ليهم وجهة نظركم بشكل واضح ميكونش كلامكم. ( فيما معناه )

٥- كتير من الرجالة مبتحبش تسمع شكاوي بعكس الستات كمان مبيكونش عندهم فضول فظيع يخليهم يكونوا حابين يعرفوا التفاصيل كلها في الحالة دي قدموا الموضوع في شكل طلب نصيحة منهم ده هيكون مريح بالنسبالهم أكتر.

محاولة فهم الكلام ده بيساعدنا نقلل حجم المشاكل اللي بتحصل بشكل متكرر بيصل إنه يكون يومي .. ساعدوا أي اثنين متجوزين يشوفوا الكلام ده او مخطوبين و هيتجوزوا قريب .

المشاكل دي اتعرضت علّيا كتير بحكم شغلي كـ lifecoaching متخصص في العلاقات الشخصية التعامل مع الناس بالاضافة لكلامي صحابي القريبين اللي متجوزين قريب و بيحصل معاهم نفس المشكلة .

shady zaabl

كاتب صحفي مصري مهتم بالمواقع الإلكترونية وإدارتها وكتابة المقالات في جميع الأقسام وذو خبرة في الصحافة والإعلام والمحتوى لـ 5 سنوات وفقً لدراسة أكاديمية وتطبيق عملي .
زر الذهاب إلى الأعلى