أول تعليق من الرئيس السيسي على زيادة أسعار تذاكر المترو

علق الرئيس عبدالفتاح السيسي  لأول مرة على قرار زيادة أسعار تذاكر مترو الأنفاق، موضحًا أنه «قرار دولة ولم يكن مفاجئًا للمواطنين».

وأضاف السيسي، إن الدولة في الفترة الحالية تجري عدد من الإصلاحات في عدة مسارات، أولها مسار المترو، فقرار زيادة أسعار التذكر لم يكن منه مفر، ومع ذلك حاولت الدولة تخفيف وطأة ارتفاع الأسعار على المواطن من خلال تقديم الاشتراكات المدعمة، وعدم المساس بأسعار تذاكر الطلاب وذوي الاحتياجات الخاصة وكبار السن.

وقال السيسي، إن سعر التذكرة بالنسبة للقطاعات الثلاثة السابقة لا تتراوح بين 12 و15 قرشًا فقط، لافتًا إلى أن السعر الحقيقي لتذكرة المترو يتراوح بين 14 إلى 16 جنيهًا.

وكشف السيسي عن كواليس اتخاذ القرار، بداية عندما قام الدكتور هشام عرفات وزير النقل  منذ أكثر من عام وقال للرئيس أن الوزارة مضطرة لإخراج خط “المرج –حلوان” من الخدمة، نظرًا لاحتياجه للصيانة ورقع الكفاءة بتكلفة 30 مليار جنيه: “عايز مني 30 مليار جنيه، اجيبهم منين دول؟، ده احنا لسة مسددناش القرض الأول، ولو خدنا قرض تاني هنعمل إيه في الفوائد؟”.

وأضاف السيسي:  «قولتله بتقدر تجيب مصاريف التشغيل يعني صيانة ومرتبات عاملين؟، قالي لأ، يعني لو لمبة اتحرقت في المترو مش هنعرف نصلحها، لذا كان قرار رفع تذكرة المترو ضروري».

وقال السيسي: « هو أنت لما بتركب أي مواصلة قطاع خاص تقوله مش معايا، هيقولك مش معاك ماتركبش، لو قولتله مش معايا مش هيوقف لك أصلًا».

وأكد السيسي أننا إذا أردنا أن تكون مصر دولة ذات شأن لا بد أن نضحي ونُعذب: «التعذيب مش الهدف، لكن هو ده التحدي بلد ظروفها الاقتصادية متندنية من 50 سنة، هي بلدنا هنشيلها مع بعض».

وتابع السيسي:« انا عمري ماخبيت عليكم حاجة، أنا قولتلكم من الفترة الرئاسية الأولى الشعب والدولة مع بعض».

وتساءل السيسي: “طب يعني نقفل خط حلوان؟”، مؤكدًا أن الدولة تحاول حل المسألة على قدر الإمكان: “الـ30 مليار لو استلفناهم هيبقوا جزء من عجزء الموازنة، يبقى بنزود الأعباء على القدمين، إحنا هنتعب شوية، تقدم البلد مش بسهولة”.

وأكد السيسي أننا لا نملك ترف عدم التخاذ القرار:  «لو ماخدتش القرار هبقى قصرت في حقكم”، مشددًا أن القرار ليس مفاجئًا: “ده من أيام سعد الجيوشي، وهاني ضاحي وجلال السعيد، ودلوقتي خبطت في هشام عرفات اللي طالع في التليفزيون يقول سامحوني، سامحوني إيه يادكتور هو فيه خيار تاني؟».

وقال إنه لو لم يتخذ مثل هذه القرارات لن يأخذها أحد بعده:  «لو حد تاني هيخاف خد يقوله ارحل، لكن أنا لو قولتولي ارحل هقولكم سلام عليكم، لازم البلد تبقى بلد وده امر مش بسيط».

وأكد السيسي أن الإصلاحات الاقتصادية ستطبق في كل القطاعات: كهرباء، مياه، صرف صحي: مفيش خيار تاني.