كتبت | آلاء بربر
رد الفنان شريف منير على اتهام الفنانين بالتسبب فى خسارة المنتخب المصرى عبر فيديو نشره عبر موقع التواصل الاجتماعي فيس بوك .
وقال منير: «مش شايفين يا جماعة اني اللي بيتقال علينا ده كتير، يعني لو الفريق المصري كسب كان هيتقال علينا كدا، احنا جتلنا دعوة عبارة عن طيران وإقامة فقط، زي أي مهرجان سينمائي بيجلنا، مبنخدش فلوس، احنا رايحين ندعم فريقنا الوطني بدون أي مقابل» .
و أضاف شريف منير : «احنا ايه غلطنا، كل ده عشان الفريق خسر، احنا ذنبا هو احنا اللي حطين الخطة، وله احنا اللي لعبنا وقصرنا؟، احنا زعلنا لم اتغلبنا زي كل المصريين، ليه يتقال علينا مطبلاتيه، ورقاصين، احنا ايه غلطنا؟ حط نفسك مكنا، وجتلك دعوة طيران وإقامة مش هتروح تشجع».
ونفى منير ما تردد حول ذهاب الفنانين إلى فندق إقامة اللاعبين: «أقسم بالله احنا لا نعرف اللعيبة نزلين في أوتيل أيه، ولا اتقبلنا معاهم، ولا شفناهم».
و اختمم شريف منير: «في واحدة بتكتب سيناريو بتغلط فينا وهي أقل من إننا نرد عليها لأنها شخصية تافهة، أرجوا يا جماعة بلاش تجرحونا، لأني احنا قدمنا لكم كتير، واستمتعوا بينا، وبقول للفريق المصري حظ سعيد لأن كرة القدم غالب ومغلوب، والمفروض تهاجموا الأشخاص المفترض أنهم مصريون ولكنهم للأسف كانوا سعداء بهزيمة المنتخب الوطني» .
تابع الشرقية توداي على جوجل نيوز 
